Te whanake ngaio
He mea tino nui ā mātou ratonga whanaketanga ngaio ki te mahi akoranga. Whakamahi ai mātou i te ara papa uiui kia piri ā mātou mahi katoa
E ahu mai ana ā mātou hōtaka i ngā rangahau e whakaatu pū ana i ngā ara e tino tika ana mā ngā ākonga.
Ka hoatu tautoko mātou mō te kaiaratakitanga, te pānuitanga, te aromatawaitanga, me te akoranga ā-rorohiko mō te mātauranga i Aotearoa. Kei te tuituia e mātou ā mātou hōtaka kia tutuki ai ngā hiahia o ngā hapori kura tauwhāiti. He nui ngā momo ara e wātea ana ki a koe i tā mātou hōtaka, ko te hapori tuihono, ko te tautoko nui, tae atu ki ngā awheawhe.
He aha te take kei te whai hua ā mātou hōtaka? Kei te piki ake ngā whakatutukitanga a ngā ākonga ahakoa te pakeke, ahakoa te whakapapa – me te mea hoki, e ai ki ngā taunakitanga, he angitu katoa ā mātou hōtaka ako.
Whakapā mai ki te rōpū whanake ngaio
Ka uiui
- Ka mahi ngātahi mātou ko ngā kaiārahi ki te whakahaere i ngā arotake-kiri, me ngā arotake kura-katoa.
- Kei te tūhura mātou i ngā ariā, i ngā tikanga pai mutunga hoki, hei āwhina i ngā kaiwhakaako ki te whakamāherehere i ngā hipanga whakamua.
- Kei te whakapātaritari atu mātou ki ngā whakaaro tūroa, me te tuku i ngā pātai ka tino whaitake.
Ka whakarato
- Ka mahi ngātahi mātou ko ngā kaiako ki te tautuhi i ō rātou hiahia, hei hoahoa i te tautoko pai mutunga.
- Ka whakamahia ngā tohungatanga, ngā huarahi, me ngā pūnaha tika kia whai hua ia akoranga, ia akoranga.
- He taunga rawa ō mātou kaiwhakarite ki ngā mahinga a te akomanga, ā, he pūmanawa ahurei hoki ō rātou hei whakaawe, hei toitoi manawa, hei tautoko i ngā kaiarataki, i ngā kaiako anō hoki.
Ka waihanga
- Kei te whakamahia e mātou he tauira wawaotanga tiro hōhonu ka waihanga panonitanga pūnahanaha, huapai hoki.
- Ka tūhono ā mātou mahinga ki ngā akoranga e mōhio ana mātou e whai hua ana.
- Ka akona ngā kaiwhakaako ki ngā pūkenga e taea ai te mahi haere ake nei.
Ka whakapai ake
- Ka mahi ngātahi mātou ko ngā kaiwhakaako ki te arotake me te aromātai i te kauneke o ā rātou ākonga.
- Ka āwhina mātou i ngā kaiwhakaako ki te kohikohi i ngā mōhiohio e tāraia ai ō rātou whāinga.
- He rite tonu te tirotiro mēnā e tika ana tā mātou ara ki te angitutanga.
Whanaketanga ngaio tuihono
He hapori tuihono tēnei wāhi mā ngā kaiwhakarite, ngā kaiako hoki ki te waihanga, tiritiri, me te hanga mātauranga e pā ana ki te whakapaitanga ake o te mōhio ki te pānui, o ngā mahi ā-kura hoki.
Āhuatanga mahi
Ko tā mātou āhuatanga mahi he whakapuaki i te take e mahi pēnei ana mātou. Hoatu ai ēnei whakaaro ki ia ratonga, ki ia ratonga ka whakaratoa atu e mātou, ki ia rauemi, ki ia rauemi hoki ka waihangatia mai e mātou. Pānuitia ngā wāhanga nunui e whā o tā mātou āhuatanga mahi. 
Pānui mō tā mātou āhuatanga mahi